آسف انا في جيتـي لـك تسرعـت
طنيت الاقـي فيـك شـيٍ فقدتـه
كنت احسبك مجروح مثلي تولعـت
جربت فرقى شخص قلبـك وهبتـه
كنت احسبك من مر جرحك تجرعت
حبيت فيك احسـاس طفـلٍ لمحتـه
لوقلت آآآه بوسط روحي توجعـت
ولو شفت دمعاتك شعوري سكبتـه
ولو تطلب اعيوني ابـد مـا تمنعـت
واعطيك قلبي لو بعـد مـا طلبتـه
وصلت بك..... اعلى مكان وتربعت
وفي قلب غيري ياالغضـي ماوصلتـه
واصبر على صدك واشوفك تدلعـت
واعطيك ود ومـا اظنـك حسبتـه
اذهلتني بطباعك اللـي ...تطبعـت
حتى قصيدي فيك ابـد مـا فهمتـه
لو كان غايتك حروفي فانـا بعـت
وافرح بجرح الشاعر اللـي جرحتـه
وأرجوك من صدك ترانـي تشبعـت
خلك مع اللي عاجبك وانت عجبتـه
يكفي قهر في جيتي لـك تواضعـت
تركت غيرك لجـل عينـك وبعتـه
ياليتني عـن حـب مثلك..ترفعـت
ياليت قلبـي قبـل اعرفـك دفنتـه
لكن اببعـد دامنـي بـك توهقـت
الله يرحـم حبنـا اللـي ذبحـتـه
انا شريت الود والحيـن انـا بعـت
وانا عطيتـك قلبـي اللـي قهرتـه
في يوم جيتك اطلبـك ود واقنعـت
نفسي بانك شخص عـادي عرفتـه
كمل حياتك مثل مـا انـا توقعـت
تبقى اسير الماضـي اللـي فرضتـه
ولا يحزنك اني غلطـان وتراجعـت
حولك بدالي ألف شخـصٍ عجبتـه
اما انا لا يمكن اخضـع ولا طعـت
يحرم علي اعطيـك قلـبٍ خذلتـه
باريّحك من شوفتي يـوم قاطعـت
اسلوبك اللي بـة تجامـل كرهتـه
غلطان يا المقفـي انـا مـا تتبعـت
(غيري يتابع خطوتـي مـا تبعتـه)
(ما ينحني راسي لو انـي تقطعـت)
وما هو بنا مـن لا رميتـه لقطتـه
وان كان غرك حكي عذالي وطعـت
الله يعلـم كيـف قلبـي سكنـتـه
اللي ملا قلبـك علـي وتسمعـت
خله يعوض شخص مثلـي خسرتـه
انـا بمـا فيـة الكفايـة تولعـت
واللي بقى من قلـب فينـي حرقتـه
وان شفتني صدفة بعينـك تطلعـت
ذكرتني بـا نسـان غالـي فقدتـه
باول لقا سلمتة احساسـي وضعـت
غلطت حياتـي يـوم قلبـي سلبتـه
واستسمحك ف البعد كاني تراجعت
ما عاد ابلقـى فيـك شـي فقدتـه
طبعك مثل غيرك (وطبعي كما كنت)
(احب) شخص ولا تركني...(تركته)
(مــمـــا اعـجـبـنــي)
« آخـــر الـــمـــشـــاركــــات »
09-Aug-2009, 12:14 +07:00Aug
العرض العادي
